hai pas-e-wafa aankh bhigo bhi nahin sakte

hai pās-e-vafā aañkh bhigo bhī nahīñ sakte

majbūr ham aise haiñ ki ro bhī nahīñ sakte

kuchh aur musāfir bhī haiñ ham-rāh hamāre

ham apne safīne ko Dubo bhī nahīñ sakte

haiñ sub.h ke shāne pe abhī raat kī zulfeñ

ham jaag bhī sakte nahīñ so bhī nahīñ sakte

qaabū meñ nahīñ chashm-e-guhar-bār hamārī

motī haiñ ravāñ aur piro bhī nahīñ sakte

kyā kuuze meñ dariyā ko samo.eñge vo 'muztar'

jo kuuze ko dariyā meñ Dubo bhī nahīñ sakte

hai pas-e-wafa aankh bhigo bhi nahin sakte

majbur hum aise hain ki ro bhi nahin sakte

kuchh aur musafir bhi hain ham-rah hamare

hum apne safine ko Dubo bhi nahin sakte

hain subh ke shane pe abhi raat ki zulfen

hum jag bhi sakte nahin so bhi nahin sakte

qabu mein nahin chashm-e-guhar-bar hamari

moti hain rawan aur piro bhi nahin sakte

kya kuze mein dariya ko samoenge wo 'muztar'

jo kuze ko dariya mein Dubo bhi nahin sakte