bahut muddat ye KHitta nam raha hai

bahut muddat ye ḳhitta nam rahā hai

yahāñ barsāt kā mausam rahā hai

baḌī shiddat se jis kā qurb chāhā

mire nazdīk vo kam kam rahā hai

ye aañsū tere aage be-asar haiñ

so thak kar ab ye dariyā tham rahā hai

tumhāre hijr kī rātoñ meñ aksar

rag-e-jāñ meñ bapā mātam rahā hai

tumheñ ruḳhsat kiyā hai muskurā kar

magar dil der tak be-dam rahā hai

rahe zinda to har ik thā gurezāñ

mare to der tak mātam rahā hai

tujhe 'az.har' ne ik 'ālam meñ DhūñDā

terī chāhat meñ ye 'ālam rahā hai

bahut muddat ye KHitta nam raha hai

yahan barsat ka mausam raha hai

baDi shiddat se jis ka qurb chaha

mere nazdik wo kam kam raha hai

ye aansu tere aage be-asar hain

so thak kar ab ye dariya tham raha hai

tumhaare hijr ki raaton mein aksar

rag-e-jaan mein bapa matam raha hai

tumhein ruKHsat kiya hai muskura kar

magar dil der tak be-dam raha hai

rahe zinda to har ek tha gurezan

mare to der tak matam raha hai

tujhe 'azhar' ne ek 'alam mein DhunDa

teri chahat mein ye 'alam raha hai