barha us bazm mein hum ban ke begane gae

bārhā us bazm meñ ham ban ke begāne ga.e

laakh chup baiThe magar nazroñ se pahchāne ga.e

sham' kī lau se lipaT kar jal bujhe to kyā huā

bazm ko kuchh raushnī hī de ke parvāne ga.e

ab sharīk-e-ġham haiñ vo bhī un kī āñkheñ bhī haiñ nam

dekh chashm-e-tar kahāñ tak tere afsāne ga.e

us galī se ho ke guzre the kabhī dīvāna-vār

phir jidhar bhī ham ga.e ham-rāh vīrāne ga.e

kis qadar kaif-āfrīñ thā nashsha-e-sahbā-e-‘ishq

vo nazar uTThī idhar hāthoñ se paimāne ga.e

lā.iq-e-pursish na the lekin chalā jab daur-e-jām

vāqif-e-ādāb-e-mai-ḳhāna hamīñ maane ga.e

kaun ai 'iqbāl' yuuñ ham ko yahāñ pahchāntā

apnī ḳhushbū hī se ham gulshan meñ pahchāne ga.e

barha us bazm mein hum ban ke begane gae

lakh chup baiThe magar nazron se pahchane gae

sham' ki lau se lipaT kar jal bujhe to kya hua

bazm ko kuchh raushni hi de ke parwane gae

ab sharik-e-gham hain wo bhi un ki aankhen bhi hain nam

dekh chashm-e-tar kahan tak tere afsane gae

us gali se ho ke guzre the kabhi diwana-war

phir jidhar bhi hum gae ham-rah virane gae

kis qadar kaif-afrin tha nashsha-e-sahba-e-‘ishq

wo nazar uTThi idhar hathon se paimane gae

laiq-e-pursish na the lekin chala jab daur-e-jam

waqif-e-adab-e-mai-KHana hamin mane gae

kaun ai 'iqbaal' yun hum ko yahan pahchanta

apni KHushbu hi se hum gulshan mein pahchane gae