agar pahlu mein tere hum na honge

agar pahlū meñ tere ham na hoñge

to dil ke fāsle phir kam na hoñge

jo aañsū phuul kī āñkhoñ se nikle

sharīk-e-girya-e-shabnam na hoñge

ye kaisā ehtirām-e-dostī hai

tirī mahfil meñ bas ik ham na hoñge

charāġhoñ ko bujhā kar kyā karoge

diloñ ke daaġh to maddham na hoñge

kabhī sochā na thā aisā bhī hogā

judā ho kar kabhī bāham na hoñge

tumhārā shahr chhoḌe jā rahe haiñ

magar charche hamāre kam na hoñge

agar ḳhat meñ na hogā soz-e-ulfat

to kāġhaz āñsuoñ se nam na hoñge

hazāroñ tohmateñ mujh par lagā do

mire ahbāb lekin kam na hoñge

sitāre ham-safar bhī ho ga.e to

mire hamdam mire mahram na hoñge

agarche aa.ine par gard hogī

magar jalve tire maddham na hoñge

vo jaate haiñ faqat us anjuman meñ

jahāñ vo jānte haiñ ham na hoñge

baġhair un ke 'taqī' kā faisla hai

koī mahfil ho us meñ ham na hoñge

agar pahlu mein tere hum na honge

to dil ke fasle phir kam na honge

jo aansu phul ki aankhon se nikle

sharik-e-girya-e-shabnam na honge

ye kaisa ehtiram-e-dosti hai

teri mahfil mein bas ek hum na honge

charaghon ko bujha kar kya karoge

dilon ke dagh to maddham na honge

kabhi socha na tha aisa bhi hoga

juda ho kar kabhi baham na honge

tumhaara shahr chhoDe ja rahe hain

magar charche hamare kam na honge

agar KHat mein na hoga soz-e-ulfat

to kaghaz aansuon se nam na honge

hazaron tohmaten mujh par laga do

mere ahbab lekin kam na honge

sitare ham-safar bhi ho gae to

mere hamdam mere mahram na honge

agarche aaine par gard hogi

magar jalwe tere maddham na honge

wo jate hain faqat us anjuman mein

jahan wo jaante hain hum na honge

baghair un ke 'taqi' ka faisla hai

koi mahfil ho us mein hum na honge