aansu shab-e-gham mein jo hamare nikal aae

aañsū shab-e-ġham meñ jo hamāre nikal aa.e

gardūñ pe mohabbat ke sitāre nikal aa.e

ai vaa.e ki jab naav mirī Duub rahī thī

girdāb-e-mohabbat meñ kināre nikal aa.e

ai mālik-e-kaunain mujhe ye to batā de

kyuuñ ġham meñ bhī jiine ke sahāre nikal aa.e

sajde meñ vahāñ ab bhī farishtoñ kī jabīñ hai

jis raah se ham 'ishq ke maare nikal aa.e

ehsās nadāmat kā huā thā mire dil ko

aañsū tirī rahmat ke sañvāre nikal aa.e

pinhāñ thā mirī 'aql ke parde meñ junūñ bhī

mere hī nasheman meñ sharāre nikal aa.e

aansu shab-e-gham mein jo hamare nikal aae

gardun pe mohabbat ke sitare nikal aae

ai wae ki jab naw meri Dub rahi thi

girdab-e-mohabbat mein kinare nikal aae

ai malik-e-kaunain mujhe ye to bata de

kyun gham mein bhi jine ke sahaare nikal aae

sajde mein wahan ab bhi farishton ki jabin hai

jis rah se hum 'ishq ke mare nikal aae

ehsas nadamat ka hua tha mere dil ko

aansu teri rahmat ke sanware nikal aae

pinhan tha meri 'aql ke parde mein junun bhi

mere hi nasheman mein sharare nikal aae