aankh bhar aai kisi se jo mulaqat hui
aañkh bhar aa.ī kisī se jo mulāqāt huī
ḳhushk mausam thā magar TuuT ke barsāt huī
din bhī Duubā ki nahīñ ye mujhe ma.alūm nahīñ
jis jagah bujh ga.e āñkhoñ ke diye raat huī
koī hasrat koī armāñ koī ḳhvāhish hī na thī
aise aalam meñ mirī ḳhud se mulāqāt huī
ho gayā apne paḌosī kā paḌosī dushman
ādamiyyat bhī yahāñ nazr-e-fasādāt huī
isī honī ko to qismat kā likhā kahte haiñ
jītne kā jahāñ mauqa.a thā vahīñ maat huī
is tarah guzrā hai bachpan ki khilaune na mile
aur javānī meñ buḌhāpe se mulāqāt huī
aankh bhar aai kisi se jo mulaqat hui
KHushk mausam tha magar TuT ke barsat hui
din bhi Duba ki nahin ye mujhe malum nahin
jis jagah bujh gae aankhon ke diye raat hui
koi hasrat koi arman koi KHwahish hi na thi
aise aalam mein meri KHud se mulaqat hui
ho gaya apne paDosi ka paDosi dushman
aadamiyyat bhi yahan nazr-e-fasadat hui
isi honi ko to qismat ka likha kahte hain
jitne ka jahan mauqa tha wahin mat hui
is tarah guzra hai bachpan ki khilaune na mile
aur jawani mein buDhape se mulaqat hui
- Book : zindagii (Pg. 59)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
