ai shab-e-dil-figar aahista

ai shab-e-dil-figār āhista

chheḌ is dil ke taar āhista

pahle pahle sukūn detā hai

'ishq kartā hai vaar āhista

tez nazroñ kā jaam hai lekin

chaḌh rahā hai ḳhumār āhista

mo'jize hoñge sabr ke badle

ai dil-e-be-qarār āhista

din kahīñ raat meñ na Dhal jaa.e

apnī zulfeñ sañvār āhista

shīsha-e-dil hai TūTne ke qarīb

sang-dil sang-bār āhista

zindagī naġhma-e-haqīqat hai

ai fasāna-nigār āhista

kāġhazī naav hai talātum meñ

paaoñ rakh nai-savār āhista

chashm-e-nam kā bharam rahe qaa.em

dīda-e-intizār āhista

ai shab-e-dil-figar aahista

chheD is dil ke tar aahista

pahle pahle sukun deta hai

'ishq karta hai war aahista

tez nazron ka jam hai lekin

chaDh raha hai KHumar aahista

mo'jize honge sabr ke badle

ai dil-e-be-qarar aahista

din kahin raat mein na Dhal jae

apni zulfen sanwar aahista

shisha-e-dil hai TuTne ke qarib

sang-dil sang-bar aahista

zindagi naghma-e-haqiqat hai

ai fasana-nigar aahista

kaghazi naw hai talatum mein

paon rakh nai-sawar aahista

chashm-e-nam ka bharam rahe qaem

dida-e-intizar aahista