aah ai sauda-e-KHam-e-arzu

aah ai saudā-e-ḳhām-e-ārzū

tā-ba-kai āḳhir nizām-e-ārzū

zabt-e-āh-e-dil-shikan aur maiñ hazīñ

kar rahā huuñ ehtirām-e-ārzū

hoshiyār ai infi.āl-e-kaif-zā

husn tak pahuñchā payām-e-ārzū

chashm-e-lutf-āgīñ na.e andāz se

le rahī hai intiqām-e-ārzū

ahl-e-dil zinda haiñ kis ummīd par

nazm-e-duniyā hai nizām-e-ārzū

yaas kī gunjā.isheñ kis dil meñ haiñ

le rahā hai kaun nām-e-ārzū

bazm-e-anjum jab sarāpā-gosh thī

kaash tum sunte payām-e-ārzū

aah ab ḳhuddārī-e-akbar kahāñ

ho ga.ī vo bhī ġhulām-e-ārzū

aah ai sauda-e-KHam-e-arzu

ta-ba-kai aaKHir nizam-e-arzu

zabt-e-ah-e-dil-shikan aur main hazin

kar raha hun ehtiram-e-arzu

hoshiyar ai infial-e-kaif-za

husn tak pahuncha payam-e-arzu

chashm-e-lutf-agin nae andaz se

le rahi hai intiqam-e-arzu

ahl-e-dil zinda hain kis ummid par

nazm-e-duniya hai nizam-e-arzu

yas ki gunjaishen kis dil mein hain

le raha hai kaun nam-e-arzu

bazm-e-anjum jab sarapa-gosh thi

kash tum sunte payam-e-arzu

aah ab KHuddari-e-akbar kahan

ho gai wo bhi ghulam-e-arzu