aaj jaane ki zid na karo
aaj jaane kī zid na karo
yuuñ hī pahlū meñ baiThe raho
haa.e mar jā.eñge ham to luT jā.eñge
aisī bāteñ kiyā na karo
tum hī socho zarā kyuuñ na rokeñ tumheñ
jaan jaatī hai jab uTh ke jaate ho tum
tum ko apnī qasam jān-e-jāñ
baat itnī mirī maan lo
vaqt kī qaid meñ zindagī hai magar
chand ghaḌiyāñ yahī haiñ jo āzād haiñ
un ko kho kar abhī jān-e-jāñ
'umr bhar nā taraste raho
kitnā mā'sūm-o-rangīn hai ye samāñ
husn aur 'ishq kī aaj me'rāj hai
kal kī kis ko ḳhabar jān-e-jāñ
rok lo aaj kī raat ko
gesuoñ kī shikan hai abhī shabnamī
aur palkoñ ke saa.e bhī mad.hosh haiñ
husn-e-mā'sūm ko jān-e-jāñ
be-ḳhudī meñ rusvā na karo
aaj jaane ki zid na karo
yun hi pahlu mein baiThe raho
hae mar jaenge hum to luT jaenge
aisi baaten kiya na karo
tum hi socho zara kyun na roken tumhein
jaan jati hai jab uTh ke jate ho tum
tum ko apni qasam jaan-e-jaan
baat itni meri man lo
waqt ki qaid mein zindagi hai magar
chand ghaDiyan yahi hain jo aazad hain
un ko kho kar abhi jaan-e-jaan
'umr bhar na taraste raho
kitna ma'sum-o-rangin hai ye saman
husn aur 'ishq ki aaj me'raj hai
kal ki kis ko KHabar jaan-e-jaan
rok lo aaj ki raat ko
gesuon ki shikan hai abhi shabnami
aur palkon ke sae bhi madhosh hain
husn-e-ma'sum ko jaan-e-jaan
be-KHudi mein ruswa na karo
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
