ham ne tujhe dekhā nahīñ kyā eid manā.eñ

jis ne tujhe dekhā ho use eid mubārak

hum ne tujhe dekha nahin kya eid manaen

jis ne tujhe dekha ho use eid mubarak

zarā sā saath do ġham ke safar meñ

zarā sā muskurā do thak gayā huuñ

zara sa sath do gham ke safar mein

zara sa muskura do thak gaya hun

mujhe manāo nahīñ merā mas.ala samjho

ḳhafā nahīñ maiñ pareshān huuñ zamāne se

mujhe manao nahin mera masala samjho

KHafa nahin main pareshan hun zamane se

zamānoñ ba.ad mile haiñ to kaise muñh pherūñ

mire liye to purānī sharāb haiñ mire dost

zamanon baad mile hain to kaise munh pherun

mere liye to purani sharab hain mere dost

guzishta saal koī maslahat rahī hogī

guzishta saal ke sukh ab ke saal de maulā

guzishta sal koi maslahat rahi hogi

guzishta sal ke sukh ab ke sal de maula