aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zulf lahra ke faza pahle moattar kar de

Sada Ambalvi

zulf lahra ke faza pahle moattar kar de

Sada Ambalvi

MORE BYSada Ambalvi

    zulf lahrā ke fazā pahle mo.attar kar de

    jaam phir āñkhoñ ke mai-ḳhāne se bhar bhar kar de

    bujh ga.ī sham.a lau tere dupaTTe se to kyā

    apnī muskān se mahfil ko munavvar kar de

    hosh to uḌ ga.e āñkhoñ se kar saaqī

    ab zarā vo bhī pilā de jo galā tar kar de

    ġhair ko muñh na lagā hosh meñ huuñ jab tak maiñ

    itnā ehsān mire sāqiyā mujh par kar de

    be-muravvat haiñ baḌe ke bhī haiñ hosh meñ jo

    aise mai-ḳhvāroñ ko mai-ḳhāne se bāhar kar de

    sher meñ saath ravānī ke ma.ānī bhī to bhar

    ai 'sadā' qaid kuuze meñ samundar kar de

    zulf lahra ke faza pahle moattar kar de

    jam phir aankhon ke mai-KHane se bhar bhar kar de

    bujh gai shama ki lau tere dupaTTe se to kya

    apni muskan se mahfil ko munawwar kar de

    hosh to uD gae aankhon se hi pi kar saqi

    ab zara wo bhi pila de jo gala tar kar de

    ghair ko munh na laga hosh mein hun jab tak main

    itna ehsan mere saqiya mujh par kar de

    be-murawwat hain baDe pi ke bhi hain hosh mein jo

    aise mai-KHwaron ko mai-KHane se bahar kar de

    sher mein sath rawani ke maani bhi to bhar

    ai 'sada' qaid tu kuze mein samundar kar de

    Videos
    This video is playing from YouTube

    Videos
    This video is playing from YouTube

    Ghulam Abbas Khan

    Ghulam Abbas Khan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now