zindagi apna safar tai to karegi lekin
zindagī apnā safar tai to karegī lekin
ham-safar aap jo hote to mazā aur hī thā
ka.aba o dair meñ ab DhūñD rahī hai duniyā
jo dil o jaan meñ bastā thā ḳhudā aur hī thā
ab ye aalam hai ki daulat kā nasha taarī hai
jo kabhī ishq ne baḳhshā thā nasha aur hī thā
duur se yūñhī lagā thā ki bahut duurī hai
jab qarīb aa.e to jaanā ki gilā aur hī thā
mere dil ne to tujhe aur hī dastak dī thī
tū ne ai jaan jo samjhā jo sunā aur hī thā
zindagi apna safar tai to karegi lekin
ham-safar aap jo hote to maza aur hi tha
kaba o dair mein ab DhunD rahi hai duniya
jo dil o jaan mein basta tha KHuda aur hi tha
ab ye aalam hai ki daulat ka nasha tari hai
jo kabhi ishq ne baKHsha tha nasha aur hi tha
dur se yunhi laga tha ki bahut duri hai
jab qarib aae to jaana ki gila aur hi tha
mere dil ne to tujhe aur hi dastak di thi
tu ne ai jaan jo samjha jo suna aur hi tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
