ye dastan hai shahidon ki KHun-chakida hai
ye dāstāñ hai shahīdoñ kī ḳhūñ-chakīdā hai
qalam bhī dast-e-muarriḳh meñ sar-burīda hai
hayāt aisī zuleḳhā ki aaj kā yūsuf
gunāh-gār hai aur pairahan-darīda hai
lahū jalāo charāġhoñ meñ raushnī ke liye
hamāre daur kā sūraj to shab-gazīda hai
dabā dabā sā ye tūfāñ ghaTī ghaTī halchal
havāoñ meñ koī paiġhām nā-rasīda hai
tamām maz.har-e-fitrat tire ġhazal-ḳhvāñ haiñ
ye chāñdnī bhī tire jism kā qasīda hai
na bujh sakegī mirī pyaas āñsuoñ se 'asar'
ye abr kyuuñ mirī hālat pe āb-dīda hai
ye dastan hai shahidon ki KHun-chakida hai
qalam bhi dast-e-muarriKH mein sar-burida hai
hayat aisi zuleKHa ki aaj ka yusuf
gunah-gar hai aur pairahan-darida hai
lahu jalao charaghon mein raushni ke liye
hamare daur ka suraj to shab-gazida hai
daba daba sa ye tufan ghaTi ghaTi halchal
hawaon mein koi paigham na-rasida hai
tamam mazhar-e-fitrat tere ghazal-KHwan hain
ye chandni bhi tere jism ka qasida hai
na bujh sakegi meri pyas aansuon se 'asar'
ye abr kyun meri haalat pe aab-dida hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
