yaad karna har ghaDi us yar ka

yaad karnā har ghaḌī us yaar kā

hai vazīfa mujh dil-e-bīmār kā

ārzū-e-chashma-e-kausar na.iiñ

tishna-lab huuñ sharbat-e-dīdār kā

āqibat kyā hovegā ma.alūm na.iiñ

dil huā hai mubtalā dildār kā

kyā kahe tārīf dil hai be-nazīr

harf harf us maḳhzan-e-asrār kā

gar huā hai tālib-e-āzādgī

band mat ho sub.ha o zunnār kā

masnad-e-gul manzil-e-shabnam huī

dekh rutba dīda-e-bedār kā

ai 'valī' honā sirījan par nisār

mudda.ā hai chashm-e-gauhar-bār kā

yaad karna har ghaDi us yar ka

hai wazifa mujh dil-e-bimar ka

aarzu-e-chashma-e-kausar nain

tishna-lab hun sharbat-e-didar ka

aaqibat kya howega malum nain

dil hua hai mubtala dildar ka

kya kahe tarif dil hai be-nazir

harf harf us maKHzan-e-asrar ka

gar hua hai talib-e-azadgi

band mat ho subha o zunnar ka

masnad-e-gul manzil-e-shabnam hui

dekh rutba dida-e-bedar ka

ai 'wali' hona sirijan par nisar

muddaa hai chashm-e-gauhar-bar ka