wo un ka hijab aur nazakat ke nazare

vo un kā hijāb aur nazākat ke nazāre

aa.e vo shab-e-va.ada tasavvur ke sahāre

vo kaalī ghaTā aur vo baḌhte hue dhāre

zāhid bhī agar dekhe to saaqī ko pukāre

vo jalva-gāh-e-nāz vo maḳhmūr nigāheñ

ab kyā kahūñ ye lamhe kahāñ maiñ ne guzāre

ḳhud husn kā me.aar nirā zauq-e-nazar haiñ

utne hī hasīñ aap haiñ jitne mujhe pyāre

be-vaj.h nahīñ husn kī tanvīr meñ tābish

vo dete haiñ ḳhākistar-e-ulfat ke sharāre

tum chāho to do lafzoñ meñ tai hote haiñ jhagḌe

kuchh shikve haiñ bejā mire kuchh uzr tumhāre

phir jām-ba-kaf ho ga.ī har chiiz 'asar' aaj

yaad aa ga.e phir madh-bharī āñkhoñ ke ishāre

wo un ka hijab aur nazakat ke nazare

aae wo shab-e-wada tasawwur ke sahaare

wo kali ghaTa aur wo baDhte hue dhaare

zahid bhi agar dekhe to saqi ko pukare

wo jalwa-gah-e-naz wo maKHmur nigahen

ab kya kahun ye lamhe kahan main ne guzare

KHud husn ka mear nira zauq-e-nazar hain

utne hi hasin aap hain jitne mujhe pyare

be-wajh nahin husn ki tanwir mein tabish

wo dete hain KHakistar-e-ulfat ke sharare

tum chaho to do lafzon mein tai hote hain jhagDe

kuchh shikwe hain beja mere kuchh uzr tumhaare

phir jam-ba-kaf ho gai har chiz 'asar' aaj

yaad aa gae phir madh-bhari aankhon ke ishaare