wo teri yaad ke lamhe tere KHayal ke din

vo terī yaad ke lamhe tire ḳhayāl ke din

ilāj-e-dard ke zaḳhmoñ ke indimāl ke din

vo ik rachī basī tahzīb apne purkhoñ kī

vo do yā chaar sahī the magar misāl ke din

mujhe to yaad hai ab tak vo kyā zamāna thā

tire javāb kā mausam mire savāl ke din

har ek pal vo kabhī rūThnā kabhī manñā

nadāmatoñ kī vo ghaḌiyāñ vo infi.āl ke din

maiñ kuchh bhī sun na sakī thī vo ḳhauf thā 'shabnam'

use bhī hosh bhalā kab thā arz-e-hāl ke din

wo teri yaad ke lamhe tere KHayal ke din

ilaj-e-dard ke zaKHmon ke indimal ke din

wo ek rachi basi tahzib apne purkhon ki

wo do ya chaar sahi the magar misal ke din

mujhe to yaad hai ab tak wo kya zamana tha

tere jawab ka mausam mere sawal ke din

har ek pal wo kabhi ruThna kabhi manna

nadamaton ki wo ghaDiyan wo infial ke din

main kuchh bhi sun na saki thi wo KHauf tha 'shabnam'

use bhi hosh bhala kab tha arz-e-haal ke din