وہ نگاہوں کو جب بدلتے ہیں
وہ نگاہوں کو جب بدلتے ہیں
دل سنبھالے نہیں سنبھلتے ہیں
منزلیں دور ہیں کبھی نزدیک
ہر قدم فاصلے بدلتے ہیں
کون جانے کہ اک تبسم سے
کتنے مفہوم غم نکلتے ہیں
نہ گزر اتنی کج روی سے کہ لوگ
تیرے نقش قدم پہ چلتے ہیں
آگ بھی ان گھروں کو لگتی ہے
جن گھروں میں چراغ جلتے ہیں
جب بھی اٹھتی ہے وہ نظر اقبالؔ
شمع کی طرح دل پگھلتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
