wo ek shaKHs ki manzil bhi rasta bhi hai

vo ek shaḳhs ki manzil bhī rāstā bhī hai

vahī duā bhī vahī hāsil-e-duā bhī hai

maiñ us kī khoj meñ niklā huuñ saath le ke use

vo husn mujh pe ayaañ bhī hai aur chhupā bhī hai

maiñ dar-ba-dar thā magar bhuul bhuul jaatā thā

ki ik charāġh darīche meñ jāgtā bhī hai

khulā hai dil kā darīcha usī kī dastak par

jo mujh ko merī nigāhoñ se dekhtā bhī hai

ye merī sarhad-e-jāñ meñ qadam dharā kis ne

ki mahv-e-ḳhvāb huuñ āñkhoñ meñ rat-jagā bhī hai

use vo bhūlne lagtā hai jo use bhūle

'atā' ki dil-zada bhī aur sar-phirā bhī hai

wo ek shaKHs ki manzil bhi rasta bhi hai

wahi dua bhi wahi hasil-e-dua bhi hai

main us ki khoj mein nikla hun sath le ke use

wo husn mujh pe ayan bhi hai aur chhupa bhi hai

main dar-ba-dar tha magar bhul bhul jata tha

ki ek charagh dariche mein jagta bhi hai

khula hai dil ka daricha usi ki dastak par

jo mujh ko meri nigahon se dekhta bhi hai

ye meri sarhad-e-jaan mein qadam dhara kis ne

ki mahw-e-KHwab hun aankhon mein rat-jaga bhi hai

use wo bhulne lagta hai jo use bhule

'ata' ki dil-zada bhi aur sar-phira bhi hai