wo be-asar tha musalsal dalil karte hue
vo be-asar thā musalsal dalīl karte hue
maiñ mutma.in thā ġhazal ko vakīl karte hue
vo mere zaḳhm ko nāsūr kar ga.e āḳhir
maiñ pur-umīd thā jin se appeal karte hue
ajiib ḳhvāb thā āñkhoñ meñ ḳhuun chhoḌ gayā
ki niiñd guzrī hai mujh ko zalīl karte hue
sabab hai kyā ki maiñ sairāb huuñ sar-e-sahrā
judā huā thā vo āñkhoñ ko jhiil karte hue
marā huā maiñ vo kirdār huuñ kahānī kā
jo jī rahā hai kahānī tavīl karte hue
wo be-asar tha musalsal dalil karte hue
main mutmain tha ghazal ko wakil karte hue
wo mere zaKHm ko nasur kar gae aaKHir
main pur-umid tha jin se appeal karte hue
ajib KHwab tha aankhon mein KHun chhoD gaya
ki nind guzri hai mujh ko zalil karte hue
sabab hai kya ki main sairab hun sar-e-sahra
juda hua tha wo aankhon ko jhil karte hue
mara hua main wo kirdar hun kahani ka
jo ji raha hai kahani tawil karte hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
