teri nigah se tujhko KHabar hai ki kya hua

terī nigah se tujh ko ḳhabar hai ki kyā huā

dil zindagī se bār-e-digar āshnā huā

ik ik qadam pe us ke huā sajda-rez maiñ

guzrā thā jis jahāñ ko kabhī rauñdtā huā

dekhā tujhe to ārzūoñ kā hujūm thā

paayā tujhe to kuchh na thā baaqī rahā huā

dasht-e-junūñ meñ reg-e-ravāñ se ḳhabar milī

phirtā rahā hai tū bhī mujhe DhūñDhtā huā

ehsās-e-nau ne ziist kā naqsha badal diyā

mahrūmiyoñ kā yuuñ to chaman hai khilā huā

chamkā hai ban ke sarv-e-charāġhāñ tamām umr

kyā āñsuoñ kā taar thā tujh se bañdhā huā

bikhre haiñ zindagī ke kuchh is tarah tār-o-pūd

har zarra apne-āp meñ mahshar-numā huā

pūchho to ek ek hai tanhā sulag rahā

dekho to shahr shahr hai mela lagā huā

parda uThā sako to jigar tak gudāz hai

chāho ki ḳhud ho yuuñ to hai patthar paḌā huā

insān-dostī ke taqāzoñ kā silsila

insān-dushmanī kī hadoñ se milā huā

aqdār ke fareb meñ ab aa chukā 'nazar'

kashtī Dubo gayā jo ḳhudā, nāḳhudā huā

teri nigah se tujh ko KHabar hai ki kya hua

dil zindagi se bar-e-digar aashna hua

ek ek qadam pe us ke hua sajda-rez main

guzra tha jis jahan ko kabhi raundta hua

dekha tujhe to aarzuon ka hujum tha

paya tujhe to kuchh na tha baqi raha hua

dasht-e-junun mein reg-e-rawan se KHabar mili

phirta raha hai tu bhi mujhe DhunDhta hua

ehsas-e-nau ne zist ka naqsha badal diya

mahrumiyon ka yun to chaman hai khila hua

chamka hai ban ke sarw-e-charaghan tamam umr

kya aansuon ka tar tha tujh se bandha hua

bikhre hain zindagi ke kuchh is tarah tar-o-pud

har zarra apne-ap mein mahshar-numa hua

puchho to ek ek hai tanha sulag raha

dekho to shahr shahr hai mela laga hua

parda uTha sako to jigar tak gudaz hai

chaho ki KHud ho yun to hai patthar paDa hua

insan-dosti ke taqazon ka silsila

insan-dushmani ki hadon se mila hua

aqdar ke fareb mein ab aa chuka 'nazar'

kashti Dubo gaya jo KHuda, naKHuda hua