tamam umr kisi pesh-o-pas mein rahna paDa

tamām 'umr kisī pesh-o-pas meñ rahnā paḌā

tire baġhair tirī dastaras meñ rahnā paḌā

kabhī furāt kī zad meñ kabhī pahāḌoñ par

sulagtī ret kabhī ḳhār-o-ḳhas meñ rahnā paḌā

ba-vaqt-e-naz’ ye asrār khul gayā ki hameñ

tamām 'umr musalsal qafas meñ rahnā paḌā

na.e mizāj ke logoñ ko kis liye āḳhir

qadīm taur-tarīqoñ ke bas meñ rahnā paḌā

pukārnā thā use 'umr bhar mujhe 'armān'

to saaz ban ke sadā-e-jaras meñ rahnā paḌā

tamam 'umr kisi pesh-o-pas mein rahna paDa

tere baghair teri dastaras mein rahna paDa

kabhi furaat ki zad mein kabhi pahaDon par

sulagti ret kabhi KHar-o-KHas mein rahna paDa

ba-waqt-e-naz’ ye asrar khul gaya ki hamein

tamam 'umr musalsal qafas mein rahna paDa

nae mizaj ke logon ko kis liye aaKHir

qadim taur-tariqon ke bas mein rahna paDa

pukarna tha use 'umr bhar mujhe 'arman'

to saz ban ke sada-e-jaras mein rahna paDa