sukun-e-dil ke liye ishq to bahana tha

sukūn-e-dil ke liye 'ishq to bahāna thā

vagarna thak ke kahīñ to Thahar hī jaanā thā

jo iztirāb kā mausam guzār aa.eñ haiñ

vo jānte haiñ ki vahshat kā kyā zamāna thā

vo jin ko shikva thā auroñ se zulm sahne kā

ḳhud un kā apnā bhī andāz jārihāna thā

bahut dinoñ se mujhe intizār-e-shab bhī nahīñ

vo rut guzar ga.ī har ḳhvāb jab suhānā thā

kab us kī fat.h kī ḳhvāhish ko jiit saktī thī

maiñ vo farīq huuñ jis ko ki haar jaanā thā

sukun-e-dil ke liye 'ishq to bahana tha

wagarna thak ke kahin to Thahar hi jaana tha

jo iztirab ka mausam guzar aaen hain

wo jaante hain ki wahshat ka kya zamana tha

wo jin ko shikwa tha auron se zulm sahne ka

KHud un ka apna bhi andaz jarihana tha

bahut dinon se mujhe intizar-e-shab bhi nahin

wo rut guzar gai har KHwab jab suhana tha

kab us ki fath ki KHwahish ko jit sakti thi

main wo fariq hun jis ko ki haar jaana tha