sirf ek hadd-e-nazar ko aasman samjha tha main
Interesting Fact
November 2008
sirf ik hadd-e-nazar ko āsmāñ samjhā thā maiñ
āsmānoñ kī haqīqat ko kahāñ samjhā thā maiñ
ḳhud milā aur mil ke vo apnā pata bhī de gayā
jabki saarī kāvishoñ ko rā.egāñ samjhā thā maiñ
zindagī kā rañg pahchānā gayā jiine ke ba.ad
duur se us rañg ko uḌtā dhuāñ samjhā thā maiñ
mehrbānoñ se hamesha hī rahe shikve gale
aur har nā-mehrbāñ ko mehrbāñ samjhā thā maiñ
de rahā thā vo sadā.eñ aur maiñ ḳhāmosh thā
kashmakash kī us ghaḌī ko imtihāñ samjhā thā maiñ
ho gayā huuñ qatl be-rahmī se un ke sāmne
haif jin logoñ ko apnā pāsbāñ samjhā thā maiñ
paas se dekhā to jaanā kis qadar maġhmūm haiñ
an-ginat chehre ki jin ko shādmāñ samjhā thā maiñ
sirf ek hadd-e-nazar ko aasman samjha tha main
aasmanon ki haqiqat ko kahan samjha tha main
KHud mila aur mil ke wo apna pata bhi de gaya
jabki sari kawishon ko raegan samjha tha main
zindagi ka rang pahchana gaya jine ke baad
dur se us rang ko uDta dhuan samjha tha main
mehrbanon se hamesha hi rahe shikwe gale
aur har na-mehrban ko mehrban samjha tha main
de raha tha wo sadaen aur main KHamosh tha
kashmakash ki us ghaDi ko imtihan samjha tha main
ho gaya hun qatl be-rahmi se un ke samne
haif jin logon ko apna pasban samjha tha main
pas se dekha to jaana kis qadar maghmum hain
an-ginat chehre ki jin ko shadman samjha tha main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
