samajh rahe the ki ab aasman barsega

samajh rahe the ki ab āsmān barsegā

ye soch kab thī ki vo mehrbān barsegā

vo vaqt duur nahīñ jab zamīn vāloñ par

makān TūTegā aur lā-makān barsegā

tumhāre zulm kī āñdhī meñ sar uThāte hue

tumhāre sar pe har ik be-zabān barsegā

gumān kahtā hai merā ki ek din mujh par

tirī vafā tirī chāhat kā maan barsegā

kisī kī aas meñ tanhā jo diip jaltā hai

use bujhāne ko ik imtihān barsegā

samajh rahe the ki ab aasman barsega

ye soch kab thi ki wo mehrban barsega

wo waqt dur nahin jab zamin walon par

makan TuTega aur la-makan barsega

tumhaare zulm ki aandhi mein sar uThate hue

tumhaare sar pe har ek be-zaban barsega

guman kahta hai mera ki ek din mujh par

teri wafa teri chahat ka man barsega

kisi ki aas mein tanha jo dip jalta hai

use bujhane ko ek imtihan barsega