sail-e-girya ka sine se rishta bahut

sail-e-girya kā siine se rishta bahut

ya.anī haiñ is ḳharābe meñ dariyā bahut

maiñ ne us naam se shaam rañgīn kī

maiñ ne us ke havāle se sochā bahut

dekhne ke liye saarā aalam bhī kam

chāhne ke liye ek chehrā bahut

is se aage to bas ḳhvāb hī ḳhvāb the

maiñ ne us ko mujhe us ne dekhā bahut

maiñ bhī uljhā huuñ manzar ke nairañg se

mere pairoñ se lipTī hai duniyā bahut

raftagāñ ke qadam jaise aahū kā ram

jaane vāloñ ko rastoñ ne rokā bahut

jañg-jū ma.arakoñ meñ hue surḳh-rū

bastiyāñ bain kartī haiñ tanhā bahut

sail-e-girya ka sine se rishta bahut

yani hain is KHarabe mein dariya bahut

main ne us nam se sham rangin ki

main ne us ke hawale se socha bahut

dekhne ke liye sara aalam bhi kam

chahne ke liye ek chehra bahut

is se aage to bas KHwab hi KHwab the

main ne us ko mujhe us ne dekha bahut

main bhi uljha hun manzar ke nairang se

mere pairon se lipTi hai duniya bahut

raftagan ke qadam jaise aahu ka ram

jaane walon ko raston ne roka bahut

jang-ju marakon mein hue surKH-ru

bastiyan bain karti hain tanha bahut