sab tamannaon se KHwabon se nikal aae hain
sab tamannāoñ se ḳhvāboñ se nikal aa.e haiñ
ham bahut duur sarāboñ se nikal aa.e haiñ
ḳhud ko jab bhuul se jaate haiñ to yuuñ lagtā hai
zindagī tere azāboñ se nikal aa.e haiñ
raushnī mujh ko milī hai to zarā jāñch to luuñ
aaj sab chehre naqāboñ se nikal aa.e haiñ
ham nikal aa.e bahisht-e-shab-e-tanhā.ī se
aur kuchh log hijāboñ se nikal aa.e haiñ
ham bhī is shahr kī vīrān sī raunaq meñ kahāñ
apne mānūs ḳharāboñ se nikal aa.e haiñ
sab tamannaon se KHwabon se nikal aae hain
hum bahut dur sarabon se nikal aae hain
KHud ko jab bhul se jate hain to yun lagta hai
zindagi tere azabon se nikal aae hain
raushni mujh ko mili hai to zara jaanch to lun
aaj sab chehre naqabon se nikal aae hain
hum nikal aae bahisht-e-shab-e-tanhai se
aur kuchh log hijabon se nikal aae hain
hum bhi is shahr ki viran si raunaq mein kahan
apne manus KHarabon se nikal aae hain
- Book : Be Sada Fariyad (Pg. 81)
- Author : Iqbal Ashhar Qureshi
- Publication : Sarvottam Marketing in Corporation Vivekanand Nagar Kamti, Mumbai (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
