saya-e-zulf nahin shola-e-ruKHsar nahin
sāya-e-zulf nahīñ shola-e-ruḳhsār nahīñ
kyā tire shahr meñ sarmāya-e-dīdār nahīñ
vaqt paḌ jaa.e to jaañ se bhī guzar jā.eñge
ham divāne haiñ mohabbat ke adākār nahīñ
kyā tire shahr ke insān haiñ patthar kī tarah
koī naġhma koī pāyal koī jhankār nahīñ
kis liye apnī ḳhatāoñ pe raheñ sharminda
ham ḳhudā ke haiñ zamāne ke gunahgār nahīñ
surḳh-rū ho ke nikalnā to bahut mushkil hai
dast-e-qātil meñ yahāñ saaz hai talvār nahīñ
mol kyā zaḳhm-e-dil-o-jāñ kā milegā 'kāmil'
shāḳh-e-gul kā bhī yahāñ koī ḳharīdār nahīñ
saya-e-zulf nahin shola-e-ruKHsar nahin
kya tere shahr mein sarmaya-e-didar nahin
waqt paD jae to jaan se bhi guzar jaenge
hum diwane hain mohabbat ke adakar nahin
kya tere shahr ke insan hain patthar ki tarah
koi naghma koi payal koi jhankar nahin
kis liye apni KHataon pe rahen sharminda
hum KHuda ke hain zamane ke gunahgar nahin
surKH-ru ho ke nikalna to bahut mushkil hai
dast-e-qatil mein yahan saz hai talwar nahin
mol kya zaKHm-e-dil-o-jaan ka milega 'kaamil'
shaKH-e-gul ka bhi yahan koi KHaridar nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
