pila tha chand aur shajar be-libas the

piilā thā chāñd aur shajar be-libās the

tujh se bichhaḌ ke gaañv meñ saare udaas the

sochā to tū magan thā faqat merī zaat meñ

dekhā to kitne log tire ās-pās the

jab ham na mil sake to hameñ mānñā paḌā

bastī ke log kitne sitāra-shanās the

dil is pe mutma.in thā ki ham ek ho ga.e

lekin ka.ī gumāñ mirī sochoñ ke paas the

vo phuul ho sitāra ho shabnam ho jhiil ho

terī kitāb-e-husn ke sab iqtibās the

'ashfāq' us ko dekh ke ham se ġhazal huī

muddat se varna ham to yūñhī mahv-e-yās the

pila tha chand aur shajar be-libas the

tujh se bichhaD ke ganw mein sare udas the

socha to tu magan tha faqat meri zat mein

dekha to kitne log tere aas-pas the

jab hum na mil sake to hamein manna paDa

basti ke log kitne sitara-shanas the

dil is pe mutmain tha ki hum ek ho gae

lekin kai guman meri sochon ke pas the

wo phul ho sitara ho shabnam ho jhil ho

teri kitab-e-husn ke sab iqtibas the

'ashfaq' us ko dekh ke hum se ghazal hui

muddat se warna hum to yunhi mahw-e-yas the