phul par os ka qatra bhi ghalat lagta hai
phuul par os kā qatra bhī ġhalat lagtā hai
jaane kyuuñ aap ko achchhā bhī ġhalat lagtā hai
mujh ko ma.alūm hai mahbūb-parastī kā azaab
der se chāñd nikalnā bhī ġhalat lagtā hai
aap kī harf-adā.ī kā ye aalam hai ki ab
peḌ par shahd kā chhattā bhī ġhalat lagtā hai
ek hī tiir hai tarkash meñ to ujlat na karo
aise mauqe pe nishānā bhī ġhalat lagtā hai
shāḳh-e-gul kaaT ke tirshūl banā dete ho
kyā gulāboñ kā mahaknā bhī ġhalat lagtā hai
phul par os ka qatra bhi ghalat lagta hai
jaane kyun aap ko achchha bhi ghalat lagta hai
mujh ko malum hai mahbub-parasti ka azab
der se chand nikalna bhi ghalat lagta hai
aap ki harf-adai ka ye aalam hai ki ab
peD par shahd ka chhatta bhi ghalat lagta hai
ek hi tir hai tarkash mein to ujlat na karo
aise mauqe pe nishana bhi ghalat lagta hai
shaKH-e-gul kaT ke tirshul bana dete ho
kya gulabon ka mahakna bhi ghalat lagta hai
- Book : Chandi Ka waraq (Pg. 88)
- Author : Ahmad Kamal Parvazi
- Publication : Surkhwab Publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
