phir wahi hum hain KHayal-e-ruKH-e-zeba hai wahi

phir vahī ham haiñ ḳhayāl-e-ruḳh-e-zebā hai vahī

sar-e-shorīda vahī 'ishq kā saudā hai vahī

dāna-o-dām sambhālā mire sayyād ne phir

apnī gardan hai vahī 'ishq kā phandā hai vahī

phir lagī rahne tasavvur meñ vo mizhgān-e-darāz

rag-e-jāñ meñ ḳhalish-e-ḳhār-e-tamannā hai vahī

phir lagā rahne vahī silsila-e-nāz-o-niyāz

jalva-e-husn vahī zauq-e-tamāshā hai vahī

phir huā ham ko dil-o-dīñ kā bachānā mushkil

nigah-e-nāz kā phir ham se taqāzā hai vahī

naaz ne phir kiyā āġhāz vo andāz-e-niyāz

husn-e-jāñ-soz ko phir soz kā dā'vā hai vahī

mahv-e-dīd-e-chaman-e-shauq hai phir dīda-e-shauq

gul-e-shādāb vahī bulbul-e-shaidā hai vahī

phir chamak uTThī vo kajlā.ī huī chingārī

raḳht-e-hastī hai vahī 'ishq kā sho'la hai vahī

aarzū jī uThī phir pyaar jo us but ne kiyā

phir lab-e-yār meñ ejāz-e-masīhā hai vahī

pās-e-nāmūs ne phir ruḳhsat-e-raftan chāhī

shohrat-e-husn vahī ulfat-e-rusvā hai vahī

phir huī lailā-o-majnūñ kī hikāyat taaza

un kā 'ālam vahī 'nairañg' kā naqsha hai vahī

phir wahi hum hain KHayal-e-ruKH-e-zeba hai wahi

sar-e-shorida wahi 'ishq ka sauda hai wahi

dana-o-dam sambhaala mere sayyaad ne phir

apni gardan hai wahi 'ishq ka phanda hai wahi

phir lagi rahne tasawwur mein wo mizhgan-e-daraaz

rag-e-jaan mein KHalish-e-KHar-e-tamanna hai wahi

phir laga rahne wahi silsila-e-naz-o-niyaz

jalwa-e-husn wahi zauq-e-tamasha hai wahi

phir hua hum ko dil-o-din ka bachana mushkil

nigah-e-naz ka phir hum se taqaza hai wahi

naz ne phir kiya aaghaz wo andaz-e-niyaz

husn-e-jaan-soz ko phir soz ka da'wa hai wahi

mahw-e-did-e-chaman-e-shauq hai phir dida-e-shauq

gul-e-shadab wahi bulbul-e-shaida hai wahi

phir chamak uTThi wo kajlai hui chingari

raKHt-e-hasti hai wahi 'ishq ka sho'la hai wahi

aarzu ji uThi phir pyar jo us but ne kiya

phir lab-e-yar mein ejaz-e-masiha hai wahi

pas-e-namus ne phir ruKHsat-e-raftan chahi

shohrat-e-husn wahi ulfat-e-ruswa hai wahi

phir hui laila-o-majnun ki hikayat taza

un ka 'alam wahi 'nairang' ka naqsha hai wahi