phir ek dusri hijrat nahin zamin nahin

phir ek dūsrī hijrat nahīñ zamīn nahīñ

ye merī mamlikat-e-dard mujh se chhīn nahīñ

navāh-e-yād kī dil ne musāfirat chhoḌī

ki ek shaḳhs bhī us kunj kā makīn nahīñ

ġhubār-basta sitāroñ se bhar chukā āñkheñ

vo qāfila, ki kisī sub.h kā amiin nahīñ

maiñ tere hadiya-e-furqat pe kaise nāzāñ huuñ

mirī jabīñ pe tirā zaḳhm tak hasīn nahīñ

safar meñ huuñ ki nahīñ sochtā rahūñgā 'arsh'

zamīñ zamān nahīñ aur zamāñ zamīn nahīñ

phir ek dusri hijrat nahin zamin nahin

ye meri mamlikat-e-dard mujh se chhin nahin

nawah-e-yaad ki dil ne musafirat chhoDi

ki ek shaKHs bhi us kunj ka makin nahin

ghubar-basta sitaron se bhar chuka aankhen

wo qafila, ki kisi subh ka amin nahin

main tere hadiya-e-furqat pe kaise nazan hun

meri jabin pe tera zaKHm tak hasin nahin

safar mein hun ki nahin sochta rahunga 'arsh'

zamin zaman nahin aur zaman zamin nahin