na rahe nama o paigham ke lane wale
na rahe naama o paiġhām ke laane vaale
ḳhaak ke nīche ga.e arsh ke jaane vaale
kishvar-e-ishq kī rasmeñ ajab ulTī dekhīñ
saltanat karte haiñ sab dil ke churāne vaale
mun.imo ālam-e-duniyā hai sarā-e-ibrat
jā.eñge sū-e-adam ḳhalq meñ aane vaale
boriyā saath na jā.egā na taḳht-e-sultāñ
sab barābar haiñ bashar ḳhalq se jaane vaale
koī baaqī na rahā hai na rahegā koī
be-nishāñ ho ga.e sab shaan dikhāne vaale
na sikandar hai na daarā hai na qaisar hai na jam
be-mahal ḳhaak meñ haiñ qasr banāne vaale
apne ash.ār kā ai 'barq' na kyuuñ shohra ho
saath haiñ tā.ir-e-mazmūñ ke uḌāne vaale
na rahe nama o paigham ke lane wale
KHak ke niche gae arsh ke jaane wale
kishwar-e-ishq ki rasmen ajab ulTi dekhin
saltanat karte hain sab dil ke churane wale
munimo aalam-e-duniya hai sara-e-ibrat
jaenge su-e-adam KHalq mein aane wale
boriya sath na jaega na taKHt-e-sultan
sab barabar hain bashar KHalq se jaane wale
koi baqi na raha hai na rahega koi
be-nishan ho gae sab shan dikhane wale
na sikandar hai na dara hai na qaisar hai na jam
be-mahal KHak mein hain qasr banane wale
apne ashaar ka ai 'barq' na kyun shohra ho
sath hain tair-e-mazmun ke uDane wale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
