na jaane sher mein kis dard ka hawala tha
na jaane sher meñ kis dard kā havāla thā
ki jo bhī lafz thā vo dil dukhāne vaalā thā
ufuq pe dekhnā thā maiñ qatār qāzoñ kī
mirā rafīq kahīñ duur jaane vaalā thā
mirā ḳhayāl thā yā khaultā huā paanī
mire ḳhayāl ne barsoñ mujhe ubālā thā
abhī nahīñ hai mujhe sard o garm kī pahchān
ye mere hāthoñ meñ añgār thā ki zhāla thā
maiñ aaj tak koī vaisī ġhazal na likh paayā
vo sāneha to bahut dil dukhāne vaalā thā
ma.ānī-e-shab-e-tārīk khul rahe the 'salīm'
jahāñ charāġh nahīñ thā vahāñ ujālā thā
na jaane sher mein kis dard ka hawala tha
ki jo bhi lafz tha wo dil dukhane wala tha
ufuq pe dekhna tha main qatar qazon ki
mera rafiq kahin dur jaane wala tha
mera KHayal tha ya khaulta hua pani
mere KHayal ne barson mujhe ubaala tha
abhi nahin hai mujhe sard o garm ki pahchan
ye mere hathon mein angar tha ki zhaala tha
main aaj tak koi waisi ghazal na likh paya
wo saneha to bahut dil dukhane wala tha
maani-e-shab-e-tarik khul rahe the 'salim'
jahan charagh nahin tha wahan ujala tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
