na ho ya rab aisi tabiat kisi ki
na ho yā rab aisī tabī.at kisī kī
ki hañs hañs ke dekhe musībat kisī kī
jafā un se mujh se vafā kaise chhūTe
ye sach hai nahīñ chhuTtī aadat kisī kī
achhūtā jo ġham ho to is meñ bhī ḳhush huuñ
nahīñ mujh ko manzūr shirkat kisī kī
hasīnoñ kī donoñ adā.eñ haiñ dilbar
kisī kī hayā to sharārat kisī kī
mujhe gum-shuda dil kā ġham hai to ye hai
ki is meñ bharī thī mohabbat kisī kī
bahut ro.e ham yaad meñ apne dil kī
jahāñ dekhī nannhī sī turbat kisī kī
na ho ya rab aisi tabiat kisi ki
ki hans hans ke dekhe musibat kisi ki
jafa un se mujh se wafa kaise chhuTe
ye sach hai nahin chhuTti aadat kisi ki
achhuta jo gham ho to is mein bhi KHush hun
nahin mujh ko manzur shirkat kisi ki
hasinon ki donon adaen hain dilbar
kisi ki haya to shararat kisi ki
mujhe gum-shuda dil ka gham hai to ye hai
ki is mein bhari thi mohabbat kisi ki
bahut roe hum yaad mein apne dil ki
jahan dekhi nannhi si turbat kisi ki
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
