misal-e-shama jala hun dhuan sa bikhra hun
misāl-e-sham.a jalā huuñ dhuāñ sā bikhrā huuñ
maiñ intizār kī har kaifiyat se guzrā huuñ
sab apne apne diyoñ ke asiir paa.e ga.e
maiñ chāñd ban ke ka.ī āñganoñ meñ utrā huuñ
kuchh aur baḌh ga.ī bārish meñ bebasī apnī
na baam se na kisī kī galī se guzrā huuñ
pukārtī thī mujhe sāhiloñ kī ḳhāmoshī
maiñ Duub Duub ke jo baar baar ubhrā huuñ
kyuuñ itnā mere ḳhayāloñ meñ bas gayā hai koī
kabhī kisī ke tasavvur se maiñ bhī guzrā huuñ
koī to aaj mujhe aañkh bhar ke dekhegā
maiñ aaj apne lahū meñ nahā ke nikhrā huuñ
misal-e-shama jala hun dhuan sa bikhra hun
main intizar ki har kaifiyat se guzra hun
sab apne apne diyon ke asir pae gae
main chand ban ke kai aanganon mein utra hun
kuchh aur baDh gai barish mein bebasi apni
na baam se na kisi ki gali se guzra hun
pukarti thi mujhe sahilon ki KHamoshi
main Dub Dub ke jo bar bar ubhra hun
kyun itna mere KHayalon mein bas gaya hai koi
kabhi kisi ke tasawwur se main bhi guzra hun
koi to aaj mujhe aankh bhar ke dekhega
main aaj apne lahu mein naha ke nikhra hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
