meri aankhon ko meri shakl dikha de koi
merī āñkhoñ ko mirī shakl dikhā de koī
kaash mujh ko mirā ehsās dilā de koī
ġharaz is se nahīñ vo kaun hai kis bhes meñ hai
maiñ kahāñ par huuñ mujhe merā patā de koī
DhūñDhtā phirtā huuñ yuuñ apne hī qadmoñ ke nishāñ
jaise mujh ko mirī nazroñ se chhupā de koī
dil kī taḳhtī sar-e-bāzār liye phirtā huuñ
kaash is par tirī tasvīr banā de koī
yuuñ tujhe dekh ke chauñk uThtī haiñ soī yādeñ
jaise sannāTe meñ āvāz lagā de koī
dūsrī samt haiñ ḳhushbū ke ufuq kī sub.heñ
rang ke kohre kī dīvār girā de koī
saañs roke hue baiThe haiñ makānoñ meñ makīñ
jaane kab aur kise aa ke sadā de koī
meri aankhon ko meri shakl dikha de koi
kash mujh ko mera ehsas dila de koi
gharaz is se nahin wo kaun hai kis bhes mein hai
main kahan par hun mujhe mera pata de koi
DhunDhta phirta hun yun apne hi qadmon ke nishan
jaise mujh ko meri nazron se chhupa de koi
dil ki taKHti sar-e-bazar liye phirta hun
kash is par teri taswir bana de koi
yun tujhe dekh ke chaunk uThti hain soi yaaden
jaise sannaTe mein aawaz laga de koi
dusri samt hain KHushbu ke ufuq ki subhen
rang ke kohre ki diwar gira de koi
sans roke hue baiThe hain makanon mein makin
jaane kab aur kise aa ke sada de koi
- Book : Mujalla Dastavez (Pg. 604)
- Author : Aziz Nabeel
- Publication : Edarah Dastavez (2013-14)
- Edition : 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
