makan soe hue the abhi ki dar jage

makān so.e hue the abhī ki dar jaage

thakan miTī bhī na thī aur na.e safar jaage

jo din chaḌhā to hameñ niiñd kī zarūrat thī

sahar kī aas meñ ham log raat bhar jaage

jakaḌ rakhā thā fazā ko hamāre na.aroñ ne

jo lab ḳhamosh hue to diloñ meñ Dar jaage

hameñ Darā.egī kyā raat ḳhud hai sahmī huī

badan to jāgte rahte the ab ke sar jaage

uThāo haath ki vaqt-e-qubūliyat hai yahī

duā karo ki duāoñ meñ ab asar jaage

makan soe hue the abhi ki dar jage

thakan miTi bhi na thi aur nae safar jage

jo din chaDha to hamein nind ki zarurat thi

sahar ki aas mein hum log raat bhar jage

jakaD rakha tha faza ko hamare naron ne

jo lab KHamosh hue to dilon mein Dar jage

hamein Daraegi kya raat KHud hai sahmi hui

badan to jagte rahte the ab ke sar jage

uThao hath ki waqt-e-qubuliyat hai yahi

dua karo ki duaon mein ab asar jage