makan nazdik hai ya la-makan nazdik paDta hai
makāñ nazdīk hai yā lā-makāñ nazdīk paḌtā hai
kahīñ aa jaao mujh ko har jahāñ nazdīk paḌtā hai
jahāñ tum ho vahāñ se duur paḌtī hai zamīñ merī
jahāñ maiñ huuñ vahāñ se āsmāñ nazdīk paḌtā hai
sunā hai ik jahān-e-be-nihāyat ho magar phir bhī
ye tai hai be-karāñ ko be-karāñ nazdīk paḌtā hai
chale aate haiñ ham ik dūsre kī samt meñ varna
tumheñ sahrā mujhe dariyā kahāñ nazdīk paḌtā hai
na.e alfāz rakh kar dekhtā huuñ kuchh purānoñ meñ
ma.ānī se mirā rishta kahāñ nazdīk paḌtā hai
balā kī dhuup hai dasht-e-talab meñ ai dil-e-nādāñ
yahāñ kis aarzū kā sā.ebāñ nazdīk paḌtā hai
makan nazdik hai ya la-makan nazdik paDta hai
kahin aa jao mujh ko har jahan nazdik paDta hai
jahan tum ho wahan se dur paDti hai zamin meri
jahan main hun wahan se aasman nazdik paDta hai
suna hai ek jahan-e-be-nihayat ho magar phir bhi
ye tai hai be-karan ko be-karan nazdik paDta hai
chale aate hain hum ek dusre ki samt mein warna
tumhein sahra mujhe dariya kahan nazdik paDta hai
nae alfaz rakh kar dekhta hun kuchh puranon mein
maani se mera rishta kahan nazdik paDta hai
bala ki dhup hai dasht-e-talab mein ai dil-e-nadan
yahan kis aarzu ka saeban nazdik paDta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
