lagi hai bhiD baDa mai-kade ka nam bhi hai

lagī hai bhiiḌ baḌā mai-kade kā naam bhī hai

kuchh is meñ ḳhūb-e-rindān-e-tishna-kām bhī hai

junūn-e-shauq ne dil ko kiyā tabāh magar

kuchh is meñ tere taġhāful kā ehtimām bhī hai

kitāb-e-zīst hai yaksar hikāyat-e-ġham-e-dil

hikāyat-e-ġham-e-dil harf-e-nā-tamām bhī hai

sukūn-e-ahl-e-ḳharābāt-e-ishq kyā kahiye

rukī rukī sī yahāñ umr-e-tez-gām bhī hai

butān-e-shahr ham ahl-e-vafā se haiñ be-zār

butān-e-shahr ko ahl-e-vafā se kaam bhī hai

vo shaḳhs apnī jagah hai muraqqa-e-tahzīb

ye aur baat hai ki qātil usī kā naam bhī hai

charāġh-e-sub.h kī afsurdagī nahīñ tanhā

kahīñ qarīb yahīñ āftāb-e-shām bhī hai

dar-e-sanam pa ruke haiñ magar ba-zer-e-qadam

hazār silsila-e-gardish-e-mudām bhī hai

jo ḳhalvatoñ meñ sukūt-āshnā rahā sadiyoñ

vahī 'ravish' se sar-e-bazm ham-kalām bhī hai

lagi hai bhiD baDa mai-kade ka nam bhi hai

kuchh is mein KHub-e-rindan-e-tishna-kaam bhi hai

junun-e-shauq ne dil ko kiya tabah magar

kuchh is mein tere taghaful ka ehtimam bhi hai

kitab-e-zist hai yaksar hikayat-e-gham-e-dil

hikayat-e-gham-e-dil harf-e-na-tamam bhi hai

sukun-e-ahl-e-KHarabaat-e-ishq kya kahiye

ruki ruki si yahan umr-e-tez-gam bhi hai

butan-e-shahr hum ahl-e-wafa se hain be-zar

butan-e-shahr ko ahl-e-wafa se kaam bhi hai

wo shaKHs apni jagah hai muraqqa-e-tahzib

ye aur baat hai ki qatil usi ka nam bhi hai

charagh-e-subh ki afsurdagi nahin tanha

kahin qarib yahin aaftab-e-sham bhi hai

dar-e-sanam pa ruke hain magar ba-zer-e-qadam

hazar silsila-e-gardish-e-mudam bhi hai

jo KHalwaton mein sukut-ashna raha sadiyon

wahi 'rawish' se sar-e-bazm ham-kalam bhi hai