kisi ki yaad mein aankhon ko lal kya karna

kisī kī yaad meñ āñkhoñ ko laal kyā karnā

jise bichhaḌnā thā us kā malāl kyā karnā

hameñ to us kī judā.ī 'azīz rakhnī hai

ye jāh-o-hashmat o māl-o-manāl kyā karnā

mohabbateñ to faqat intihā.eñ māñgtī haiñ

mohabbatoñ meñ bhalā e'tidāl kyā karnā

ye kār-e-'ishq to bachchoñ kā khel Thahrā hai

so kār-e-'ishq meñ koī kamāl kyā karnā

vo rābte jo kiye ḳhud hī kal-adam ham ne

na.e sire se phir un ko bahāl kyā karnā

kisi ki yaad mein aankhon ko lal kya karna

jise bichhaDna tha us ka malal kya karna

hamein to us ki judai 'aziz rakhni hai

ye jah-o-hashmat o mal-o-manal kya karna

mohabbaten to faqat intihaen mangti hain

mohabbaton mein bhala e'tidal kya karna

ye kar-e-'ishq to bachchon ka khel Thahra hai

so kar-e-'ishq mein koi kamal kya karna

wo rabte jo kiye KHud hi kal-adam hum ne

nae sire se phir un ko bahaal kya karna