KHamosh kali sare gulistan ki zaban hai
ḳhāmosh kalī saare gulistāñ kī zabāñ hai
ye tarz-e-suḳhan ābrū-e-ḳhush-suḳhnāñ hai
jo baat ki ḳhud mere takallum pe garāñ hai
vo terī samā.at ke to qābil hī kahāñ hai
har zarra pe hai manzil-e-mahbūb kā dhokā
pahuñche koī is bazm tak un kā hī kahāñ hai
insān ne asrār-e-jahāñ faash kiye haiñ
soyā huā ḳhurshīd hai zarra nigarāñ hai
'fitrat' dil-e-kaunain kī dhaḌkan to zarā sun
ye hazrat-e-insāñ hī kī azmat kā bayāñ hai
KHamosh kali sare gulistan ki zaban hai
ye tarz-e-suKHan aabru-e-KHush-suKHnan hai
jo baat ki KHud mere takallum pe garan hai
wo teri samaat ke to qabil hi kahan hai
har zarra pe hai manzil-e-mahbub ka dhoka
pahunche koi is bazm tak un ka hi kahan hai
insan ne asrar-e-jahan fash kiye hain
soya hua KHurshid hai zarra nigaran hai
'fitrat' dil-e-kaunain ki dhaDkan to zara sun
ye hazrat-e-insan hi ki azmat ka bayan hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
