kafir tha main KHuda ka na munkir dua ka tha

kāfir thā maiñ ḳhudā kā na munkir duā kā thā

lekin yahāñ savāl shikast-e-anā kā thā

kuchh ishq-o-āshiqī pe nahīñ merā e'tiqād

maiñ jis ko chāhtā thā hasīñ intihā kā thā

jal kar girā huuñ sūkhe shajar se uḌā nahīñ

maiñ ne vahī kiyā jo taqāzā vafā kā thā

tārīk raat mausam-e-barsāt jān-e-zār

girdāb pīchhe sāmne tūfāñ havā kā thā

ik umr ba.ad bhī na shifā ho sake to kyā

rag rag meñ zahr sadiyoñ kī āb-o-havā kā thā

go rāhzan kā vaar bhī kuchh kam na thā magar

jo vaar kārgar huā vo rahnumā kā thā

'akbar' jahāñ meñ kār-kushā.ī butoñ kī thī

achchhā rahā jo mānñe vaalā ḳhudā kā thā

kafir tha main KHuda ka na munkir dua ka tha

lekin yahan sawal shikast-e-ana ka tha

kuchh ishq-o-ashiqi pe nahin mera e'tiqad

main jis ko chahta tha hasin intiha ka tha

jal kar gira hun sukhe shajar se uDa nahin

main ne wahi kiya jo taqaza wafa ka tha

tarik raat mausam-e-barsat jaan-e-zar

girdab pichhe samne tufan hawa ka tha

ek umr baad bhi na shifa ho sake to kya

rag rag mein zahr sadiyon ki aab-o-hawa ka tha

go rahzan ka war bhi kuchh kam na tha magar

jo war kargar hua wo rahnuma ka tha

'akbar' jahan mein kar-kushai buton ki thi

achchha raha jo manne wala KHuda ka tha