jis ki KHatir umr ganwai ek duniya ko bhuli main

jis kī ḳhātir umr gañvā.ī ik duniyā ko bhūlī maiñ

jī kahtā thā us se kah duuñ lekin kaise kahtī maiñ

merī zaat kā jis kī nazar se itnā gahrā rishta hai

us kī aañkh samundar jaisī harī-bharī ik dhartī hai

band kivāḌoñ par ik jaanī pahchānī dastak jo sunī

yūñhī DupaTTa chhoḌ ke bhāgī nange paañv hī paglī maiñ

kis kā chehra dekh liyā thā sote sote bachpan meñ

ḳhvāboñ kī ḳhush-rang nadī meñ barsoñ Duubī ubhrī meñ

sab se baḌā ye jurm thā merā isī liye badnām huī

saarī duniyā jahāñ girī thī usī moḌ par sañbhlī maiñ

ye bhī sach hai aise kab tak mil-jul kar chal sakte the

kuchh to vo bhī thā harjā.ī thoḌī sī thī ziddī maiñ

yūñhī shāyad jaate jaate us ne idhar bhī dekhā ho

jāḌoñ kā mausam thā lekin sar se pā tak bhīgī maiñ

mere liye to jiine kā ye ek sahārā kaafī hai

koī chāhe kuchh bhī kah le terī nazar meñ achchhī maiñ

merī majbūrī ne 'shabnam' jis ko bad-zan kar Daalā

us kī qasam thī jaan se pyārī jhūTī kaise khātī maiñ

jis ki KHatir umr ganwai ek duniya ko bhuli main

ji kahta tha us se kah dun lekin kaise kahti main

meri zat ka jis ki nazar se itna gahra rishta hai

us ki aankh samundar jaisi hari-bhari ek dharti hai

band kiwaDon par ek jaani pahchani dastak jo suni

yunhi DupaTTa chhoD ke bhagi nange panw hi pagli main

kis ka chehra dekh liya tha sote sote bachpan mein

KHwabon ki KHush-rang nadi mein barson Dubi ubhri mein

sab se baDa ye jurm tha mera isi liye badnam hui

sari duniya jahan giri thi usi moD par sanbhli main

ye bhi sach hai aise kab tak mil-jul kar chal sakte the

kuchh to wo bhi tha harjai thoDi si thi ziddi main

yunhi shayad jate jate us ne idhar bhi dekha ho

jaDon ka mausam tha lekin sar se pa tak bhigi main

mere liye to jine ka ye ek sahaara kafi hai

koi chahe kuchh bhi kah le teri nazar mein achchhi main

meri majburi ne 'shabnam' jis ko bad-zan kar Dala

us ki qasam thi jaan se pyari jhuTi kaise khati main