jis ka inkar bhi inkar na samjha jae
jis kā inkār bhī inkār na samjhā jaa.e
ham se vo yār-e-tarah-dār na samjhā jaa.e
itnī kāvish bhī na kar merī asīrī ke liye
tū kahīñ merā giraftār na samjhā jaa.e
ab jo Thahrī hai mulāqāt to is shart ke saath
shauq ko dar-ḳhur-e-iz.hār na samjhā jaa.e
naala bulbul kā jo suntā hai to khil uThtā hai gul
ishq ko muft kī begār na samjhā jaa.e
ishq ko shaad kare ġham kā muqaddar badle
husn ko itnā bhī muḳhtār na samjhā jaa.e
baḌh chalā aaj bahut had se junūn-e-gustāḳh
ab kahīñ us se sar-e-dār na samjhā jaa.e
dil ke lene se 'salīm' us ko nahīñ hai inkār
lekin is tarah ki iqrār na samjhā jaa.e
jis ka inkar bhi inkar na samjha jae
hum se wo yar-e-tarah-dar na samjha jae
itni kawish bhi na kar meri asiri ke liye
tu kahin mera giraftar na samjha jae
ab jo Thahri hai mulaqat to is shart ke sath
shauq ko dar-KHur-e-izhaar na samjha jae
nala bulbul ka jo sunta hai to khil uThta hai gul
ishq ko muft ki begar na samjha jae
ishq ko shad kare gham ka muqaddar badle
husn ko itna bhi muKHtar na samjha jae
baDh chala aaj bahut had se junun-e-gustaKH
ab kahin us se sar-e-dar na samjha jae
dil ke lene se 'salim' us ko nahin hai inkar
lekin is tarah ki iqrar na samjha jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
