ishqi-sahib likhna hai to koi nai tahrir likho

'ishqī'-sāhib likhnā hai to koī na.ī tahrīr likho

ab tak tum ne ḳhvāb likhe ab ḳhvāboñ kī ta.abīr likho

is uljhan ko suljhāne kī kaun sī hai tadbīr likho

ishq agar hai jurm to mujrim rāñjhā hai yā hiir likho

jahāñ bhī qasr-e-shīrīñ dekho 'ḳhusrov' kī jāgīr likho

koh jahāñ haa.el huā us par ḳhuuñ se jū-e-shīr likho

dasht se āzādī kī havā.eñ un ko bulāne aatī haiñ

ahl-e-junūñ ko rokne vaalī kaun sī hai zanjīr likho

shahr-e-suḳhan ke izzat-dāro kuchh to kisī kā paas karo

koī to hogā jis ko āḳhir tum sāhib-e-tauqīr likho

ham-vatanoñ ke dard kā darmāñ aisā kuchh dushvār nahīñ

nām-e-vatan hai ism-e-āzam ḳhāk-e-vatan iksīr likho

apnī kamandeñ pheñk ke jis ko qaid kiyā hai zulmat ne

vo sūraj kab ubhregā kab phailegī tanvīr likho

...apne ahd kī saffākī par ye ḳhāmoshī tanz nahīñ

koī to hogā is kā sabab kyuuñ baiThe ho dil-gīr likho

jab tak sar se ḳhuuñ na bahegā koh-kanī hai ḳhaam ḳhayāl

teshe ko ḳhallāq kaho yā patthar ko tasvīr likho

Dhā de jo insān ke dil meñ rañg o nasl kī dīvāreñ

koī to dastūr-e-mohabbat aisā ālamgīr likho

har har daur ke likhne vaale hāshiye us ke likhte haiñ

apne ahd meñ nusḳha-e-dil kī tum bhī koī tafsīr likho

harf kī tāqat be-pāyāñ hai harf ke haiñ imkān bahut

harf ko zinda karnā sīkho phir chāhe taqdīr likho

dil par jis ke naqsh na ubhrīñ vo kyā abrū kaisī nazar

kitnā hī tum tiir nazar ko abrū ko shamshīr likho

raushan kaise hogā savād-e-harf jo ḳhūn-e-dil na jalā

charba tum 'ġhālib' kā utāro chāhe ba-rañg-e-'mīr' likho

apne dukhḌe likh likh kar dīvān to tum ne jam.a kiyā

dil ko jo badle ab koī aisā sher-e-pur-tāsīr likho

'ishqi'-sahib likhna hai to koi nai tahrir likho

ab tak tum ne KHwab likhe ab KHwabon ki tabir likho

is uljhan ko suljhane ki kaun si hai tadbir likho

ishq agar hai jurm to mujrim ranjha hai ya hir likho

jahan bhi qasr-e-shirin dekho 'KHusrow' ki jagir likho

koh jahan hael hua us par KHun se ju-e-shir likho

dasht se aazadi ki hawaen un ko bulane aati hain

ahl-e-junun ko rokne wali kaun si hai zanjir likho

shahr-e-suKHan ke izzat-daro kuchh to kisi ka pas karo

koi to hoga jis ko aaKHir tum sahib-e-tauqir likho

ham-watanon ke dard ka darman aisa kuchh dushwar nahin

nam-e-watan hai ism-e-azam KHak-e-watan iksir likho

apni kamanden phenk ke jis ko qaid kiya hai zulmat ne

wo suraj kab ubhrega kab phailegi tanwir likho

apne ahd ki saffaki par ye KHamoshi tanz nahin

koi to hoga is ka sabab kyun baiThe ho dil-gir likho

jab tak sar se KHun na bahega koh-kani hai KHam KHayal

teshe ko KHallaq kaho ya patthar ko taswir likho

Dha de jo insan ke dil mein rang o nasl ki diwaren

koi to dastur-e-mohabbat aisa aalamgir likho

har har daur ke likhne wale hashiye us ke likhte hain

apne ahd mein nusKHa-e-dil ki tum bhi koi tafsir likho

harf ki taqat be-payan hai harf ke hain imkan bahut

harf ko zinda karna sikho phir chahe taqdir likho

dil par jis ke naqsh na ubhrin wo kya abru kaisi nazar

kitna hi tum tir nazar ko abru ko shamshir likho

raushan kaise hoga sawad-e-harf jo KHun-e-dil na jala

charba tum 'ghaalib' ka utaro chahe ba-rang-e-'mir' likho

apne dukhDe likh likh kar diwan to tum ne jama kiya

dil ko jo badle ab koi aisa sher-e-pur-tasir likho