ishq mein bu hai kibriyai ki
ishq meñ bū hai kibriyā.ī kī
āshiqī jis ne kī ḳhudā.ī kī
ham-sarī mat sabā se kar ai aah
tū ne bhī kuchh girah-kushā.ī kī
le chale ham qafas se ai sayyād
ḳhaak meñ aarzū rihā.ī kī
roz-e-mahshar talak na āḳhir hoñ
dāstāneñ shab-e-judā.ī kī
shaiḳh-jīv se huī na sarzad baav
chuul bolī hai chārpā.ī kī
jis meñ yārān-e-bazm hoñ mahzūz
yuuñ 'baqā' maiñ ġhazal-sarā.ī kī
miir bhī varna ḳhuub kahte haiñ
kāTiye jeb un kī daa.ī kī
ishq mein bu hai kibriyai ki
aashiqi jis ne ki KHudai ki
ham-sari mat saba se kar ai aah
tu ne bhi kuchh girah-kushai ki
le chale hum qafas se ai sayyaad
KHak mein aarzu rihai ki
roz-e-mahshar talak na aaKHir hon
dastanen shab-e-judai ki
shaiKH-jiw se hui na sarzad baw
chul boli hai chaarpai ki
jis mein yaran-e-bazm hon mahzuz
yun 'baqa' main ghazal-sarai ki
mir bhi warna KHub kahte hain
kaTiye jeb un ki dai ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
