is par ka ho ke bhi mein us par gaya hun

is paar kā ho ke bhī meñ us paar gayā huuñ

ik ism kī barakat se ka.ī baar gayā huuñ

ḳhairāt meñ de aayā huuñ jiitī huī baazī

duniyā ye samajhtī hai ki maiñ haar gayā huuñ

thāme hue ik raushnī ke haath ko har shab

paanī pe qadam rakh ke maiñ us paar gayā huuñ

darvāze ko auqāt meñ laane ke liye maiñ

dīvār ke andar se ka.ī baar gayā huuñ

kyā mere liye ek bhī kirdār nahīñ thā

kyuuñ apnī kahānī se maiñ be-kār gayā huuñ

mushkil hai tujhe aag ke dariyā se bachā luuñ

ai shahr-e-peshawar maiñ tujhe haar gayā huuñ

ḳhvāboñ ne jo ik khel banāyā thā mire dost

is khel meñ ta.abīr se maiñ haar gayā huuñ

is par ka ho ke bhi mein us par gaya hun

ek ism ki barakat se kai bar gaya hun

KHairaat mein de aaya hun jiti hui bazi

duniya ye samajhti hai ki main haar gaya hun

thame hue ek raushni ke hath ko har shab

pani pe qadam rakh ke main us par gaya hun

darwaze ko auqat mein lane ke liye main

diwar ke andar se kai bar gaya hun

kya mere liye ek bhi kirdar nahin tha

kyun apni kahani se main be-kar gaya hun

mushkil hai tujhe aag ke dariya se bacha lun

ai shahr-e-peshawar main tujhe haar gaya hun

KHwabon ne jo ek khel banaya tha mere dost

is khel mein tabir se main haar gaya hun