is arsa-e-mahshar se guzar kyun nahin jate
is arsa-e-mahshar se guzar kyuuñ nahīñ jaate
jiine kī tamannā hai to mar kyuuñ nahīñ jaate
ai shahr-e-ḳharābāt ke āshufta-mizājoñ
jab TuuT chuke ho to bikhar kyuuñ nahīñ jaate
is dard kī shiddat bhī numū-ḳhez bahut hai
jo zaḳhm haiñ siine meñ vo bhar kyuuñ nahīñ jaate
ham mo.atakif-e-dasht-e-aziyyat to nahīñ haiñ
pairoñ se masāfat ke bhañvar kyuuñ nahīñ jaate
jab aa.e haiñ maqtal meñ to kyā lauT ke jaanā
ab apne lahū meñ hī nikhar kyuuñ nahīñ jaate
jab Duub ke marnā hai to kyā soch rahe ho
in jhiil sī āñkhoñ meñ utar kyuuñ nahīñ jaate
ye bhī koī zid hai ki ye 'shāhid' kī anā hai
jaate haiñ jidhar log udhar kyuuñ nahīñ jaate
is arsa-e-mahshar se guzar kyun nahin jate
jine ki tamanna hai to mar kyun nahin jate
ai shahr-e-KHarabaat ke aashufta-mizajon
jab TuT chuke ho to bikhar kyun nahin jate
is dard ki shiddat bhi numu-KHez bahut hai
jo zaKHm hain sine mein wo bhar kyun nahin jate
hum moatakif-e-dasht-e-aziyyat to nahin hain
pairon se masafat ke bhanwar kyun nahin jate
jab aae hain maqtal mein to kya lauT ke jaana
ab apne lahu mein hi nikhar kyun nahin jate
jab Dub ke marna hai to kya soch rahe ho
in jhil si aankhon mein utar kyun nahin jate
ye bhi koi zid hai ki ye 'shahid' ki ana hai
jate hain jidhar log udhar kyun nahin jate
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
