in ghazalan-e-tarah-dar ko kaise chhoDun

in ġhazālān-e-tarah-dār ko kaise chhoḌūñ

jalva-e-vādī-e-tātār ko kaise chhoḌūñ

dard-āgīñ hī sahī barbat-e-pas-manzar-e-bazm

nashsha-e-hā-e-lab-o-ruḳhsār ko kaise chhoḌūñ

ai taqāzā-e-ġham-e-dahr maiñ kaise aa.uuñ

lazzat-e-dard ġham-e-yār ko kaise chhoḌūñ

maiñ ḳhizāñ meñ bhī parastār rahā huuñ us kā

mausam-e-gul meñ chaman-zār ko kaise chhoḌūñ

ai mire ghar kī fazāoñ se gurezāñ mahtāb

apne ghar ke dar-o-dīvār ko kaise chhoḌūñ

haa.e dard-e-dil-e-bezār ki hañgām-e-ḳhumār

dost kahte haiñ ki mai-ḳhvār ko kaise chhoḌūñ

aaj to sham.a havāoñ se ye kahtī hai 'salām'

raat bhārī hai maiñ bīmār ko kaise chhoḌūñ

in ghazalan-e-tarah-dar ko kaise chhoDun

jalwa-e-wadi-e-tatar ko kaise chhoDun

dard-agin hi sahi barbat-e-pas-manzar-e-bazm

nashsha-e-ha-e-lab-o-ruKHsar ko kaise chhoDun

ai taqaza-e-gham-e-dahr main kaise aaun

lazzat-e-dard gham-e-yar ko kaise chhoDun

main KHizan mein bhi parastar raha hun us ka

mausam-e-gul mein chaman-zar ko kaise chhoDun

ai mere ghar ki fazaon se gurezan mahtab

apne ghar ke dar-o-diwar ko kaise chhoDun

hae dard-e-dil-e-bezar ki hangam-e-KHumar

dost kahte hain ki mai-KHwar ko kaise chhoDun

aaj to shama hawaon se ye kahti hai 'salam'

raat bhaari hai main bimar ko kaise chhoDun