hanste the mere haal ko jo yar dekh kar
hañste the mere haal ko jo yaar dekh kar
un sab ne ro diyā mujhe bīmār dekh kar
sab ham-safīr chhoḌ ke tanhā chale ga.e
kunj-e-qafas meñ mujh ko giraftār dekh kar
kyā jaane kyā ġhazab hai ye jaadū bharī nigāh
ġhash kar gayā huuñ maiñ jise yak baar dekh kar
ḳhūn-e-jigar ke saath kahīñ jī chalā na jaa.e
ronā zarā tū dīda-e-ḳhūñ-bār dekh kar
apne 'havas' pe jab se ki tū mehrbāñ huā
jalte haiñ raat din use aġhyār dekh kar
hanste the mere haal ko jo yar dekh kar
un sab ne ro diya mujhe bimar dekh kar
sab ham-safir chhoD ke tanha chale gae
kunj-e-qafas mein mujh ko giraftar dekh kar
kya jaane kya ghazab hai ye jadu bhari nigah
ghash kar gaya hun main jise yak bar dekh kar
KHun-e-jigar ke sath kahin ji chala na jae
rona zara tu dida-e-KHun-bar dekh kar
apne 'hawas' pe jab se ki tu mehrban hua
jalte hain raat din use aghyar dekh kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
